നിയുക്തി 2024 മെഗാ തൊഴിൽ മേള സംഘടിപ്പിക്കുന്നു, കേരളത്തിൽ വിവിധ ജില്ലകളിൽ ജോലി
തൊഴിൽമേള സെപ്റ്റംബർ 7 ന്
സർക്കാരിന്റെ നൂറു ദിന കർമ്മ പരിപാടിയോട് അനുബന്ധിച്ച് എംപ്ലോയ്മെന്റ് വകുപ്പ് വഴുതക്കാട് ഗവ വിമൻസ് കോളേജിൽ സെപ്റ്റംബർ 7 ന് നിയുക്തി 2024 മെഗാ തൊഴിൽ മേള സംഘടിപ്പിക്കും.
തിരുവനന്തപുരം, കൊല്ലം, ആലപ്പുഴ, പത്തനംതിട്ട ജില്ലകളിലെ തൊഴിൽദായകരെയും ഉദ്യോഗാർഥികളെയും പങ്കെടുപ്പിച്ചു നടത്തുന്ന തൊഴിൽ മേളയിൽ ഐ.ടി ഹോസ്പിറ്റാലിറ്റി, ഓട്ടോമൊബൈൽ, പാരാമെഡിക്കൽ, മാർക്കറ്റിംഗ് തുടങ്ങിയ മേഖലകളിലെ 70 ൽ പരം പ്രമുഖ തൊഴിൽദായകർ പങ്കെടുക്കും.
10, +2, ബിരുദം, ഐടിഐ, ഡിപ്ലോമ, ബി ടെക് പാരാമെഡിക്കൽ, ട്രാവൽ ആൻഡ് ടൂറിസം യോഗ്യത ഉള്ളവർക്ക് അവസരം. https://ift.tt/j8q4HZ9 വഴി തൊഴിൽദായകർക്കു ആഗസ്റ്റ് 10 മുതലും ഉദ്യോഗാർഥികൾക്ക് 16 മുതലും രജിസ്റ്റർ ചെയ്യാം.
കൂടുതൽ വിവരങ്ങൾക്ക്: 8921916220, 8304057735, 7012212473.
ആരോഗ്യ വകുപ്പില് താത്കാലിക നിയമനം
ആലപ്പുഴ: കായംകുളം താലൂക്ക് ആശുപത്രിയില് ഡയാലിസിസ് ടെക്നീഷ്യന്, ലബോറട്ടറി ടെക്നീഷ്യന്, സ്റ്റാഫ് നഴ്സ്, ഇലക്ട്രീഷ്യന്, ഫാര്മസിസ്റ്റ് തസ്തികകളില് താത്കാലിക നിയമനം നടത്തുന്നു.
ഓഗസ്റ്റ് എട്ടിന് രാവിലെ 10 മുതല് 12 വരെ ഡയാലിസിസ് ടെക്നീഷ്യന് തസ്തികയിലേക്കും ഉച്ചയ്ക്ക് രണ്ട് മുതല് നാല് വരെ ലബോറട്ടറി ടെക്നീഷ്യന് തസ്തികയിലേക്കും 13-ന് രാവിലെ 10 മുതല് 12 വരെ സ്റ്റാഫ് നഴ്സ് തസ്തികയിലേക്കും ഉച്ചയ്ക്ക് 12 മുതല് 1.30 വരെ ഇലക്ട്രീഷ്യന് തസ്തികയിലേക്കും രണ്ട് മുതല് നാല് വരെ ഫാര്മസിസ്റ്റ് തസ്തികയിലേക്കുമുള്ള കൂടിക്കാഴ്ച നടക്കും.
